ದೊಡ್ಮನೆ ಸಹಾಯ ಸ್ಮರಿಸಿ, ಅಭಿಮಾನಿಗಳಿಗೆ ವಿಶೇಷ ಮನವಿ ಮಾಡಿದ ನಟಿ ಹರ್ಷಿಕಾ ಪೂಣಚ್ಚ

Puneeth Rajkumar birthday day : ಇದೆ ತಿಂಗಳು 17 ರಂದು ಕರುನಾಡ ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಅವರ ಹುಟ್ಟಿದ ಹಬ್ಬ. ಅಪ್ಪು ಬರ್ತ್ ಡೇ ಪ್ರಯುಕ್ತ ಜಾಕಿ ಸಿನಿಮಾ ರೀ ರಿಲೀಸ್ ಆಗುತ್ತಿದ್ದು. ಈ ಸಿನಿಮಾದ ಭಾಗವಾಗಿರುವ ಖ್ಯಾತ ನಟಿ ಹರ್ಷಿಕಾ ಪೂಣಚ್ಚ ಅಭಿಮಾನಿಗಳಿಗೆ ವಿಶೇಷ ಮನವಿ ಮಾಡಿದ್ದಾರೆ.

ಈ ಕುರಿತು ತಮ್ಮ ಇನ್ಟಾಗ್ರಾಮ್ ಖಾತೆಯಲ್ಲಿ..”ನನ್ನ ವೃತ್ತಿ ಜೀವನದಲ್ಲಿ ದೊಡ್ಡ ಬ್ರೇಕ್ ಕೊಟ್ಟ ಸಿನಿಮಾ. ಡಾ.ರಾಜ್ ಕುಮಾರ್ ಸರ್ ಪ್ರೊಡಕ್ಷನ್ ಹೌಸ್ ಗೆ ನನ್ನನ್ನು ಪರಿಚಯಿಸಿದ ಸಿನಿಮಾ. ನನಗೆ ಪಾರ್ವತಮ್ಮರಾಜ್‌ಕುಮಾರ್ ಅಮ್ಮನವರ ಆಶೀರ್ವಾದ ನೀಡಿದ ಸಿನಿಮಾ.ನನ್ನ ಜೀವನವನ್ನೇ ಬದಲಿಸಿದ ಸಿನಿಮಾ.

ಹಿಟ್ ಹೀರೋಯಿನ್ ಲಿಸ್ಟ್ ಗೆ ನನ್ನನ್ನು ಸೇರಿಸಿದ ಸಿನಿಮಾ. ನನಗೆ 100 ಹೊಸ ಚಿತ್ರಗಳನ್ನು ಕೊಟ್ಟ ಸಿನಿಮಾ. ಇಲ್ಲಿಯವರೆಗೆ ನನ್ನ ಎರಡು ಚಿತ್ರಗಳು ಒಂದೇ ದಿನದಲ್ಲಿ ಮೂರು ಬಾರಿ ಬಿಡುಗಡೆಯಾಗಲು ಕಾರಣವಾದ ಚಿತ್ರವು ನನ್ನನ್ನು ಅತ್ಯಂತ ಬ್ಯುಸಿ ಹೀರೋಯಿನ್ ಆಗಿ ಮಾಡಿದೆ. ಪವರ್‌ಸ್ಟಾರ್ ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಸರ್ ಅಭಿನಯದ ನನ್ನ ವೃತ್ತಿಜೀವನದ ಅತ್ಯಂತ ದೊಡ್ಡ ಚಲನಚಿತ್ರ ಜಾಕಿ (JACKIE) ನಾಳೆ 15ನೇ ಮಾರ್ಚ್ 2024 ರಂದು ಮರು ಬಿಡುಗಡೆಯಾಗುತ್ತಿದೆ.

ಧನ್ಯವಾದಗಳು ಅಶ್ವಿನಿ ಪುನೀತ್ ರಾಜಕುಮಾರ್ ಮೇಡಮ್ ಇದನ್ನು ಮಾಡಿದಕ್ಕಾಗಿ. ದಯವಿಟ್ಟು ನಿಮ್ಮ ಹತ್ತಿರದ ಚಿತ್ರಮಂದಿರಗಳಿಗೆ ಹೋಗಿ ಮತ್ತು ಚಲನಚಿತ್ರವನ್ನು ಆನಂದಿಸಿ ವಂದನೆಗಳುನಿಮ್ಮ ನಿಷ್ಠಾವಂತಹರ್ಷಿಕಾ ಪೂಣಚ ಉಳ್ಳಿಯಡ” ಅಂತ ಅಭಿಮಾನಿಗಳಲ್ಲಿ ಮನವಿ ಮಾಡಿದ್ದಾರೆ.