Miss world 2024 : ʼವಿಶ್ವ ಸುಂದರಿ 2024ʼ ಕಿರೀಟ ಕ್ರಿಸ್ಟಿನಾ ಪಿಸ್ಕೋವಾ ಮುಡಿಗೆ..! ಭಾರತದ ಸಿನಿ ಶೆಟ್ಟಿ..?

Miss World 2024 winner : 28 ವರ್ಷಗಳ ನಂತರ ಭಾರತದಲ್ಲಿ 71 ನೇ ಆವೃತ್ತಿಯ ಗ್ರ್ಯಾಂಡ್ ಫಿನಾಲೆಯನ್ನು ಮುಂಬೈನ ಜಿಯೋ ವರ್ಲ್ಡ್ ಕನ್ವೆನ್ಷನ್ ಸೆಂಟರ್ ಆಯೋಜಿಸಿತ್ತು. ಈ ಸ್ಪರ್ಧೆಗಳಲ್ಲಿ, 112 ದೇಶಗಳ ಸೌಂದರ್ಯ ರಾಣಿಯರು ಸ್ಪರ್ಧಿಸಿದರು. ಜೆಕ್ ಗಣರಾಜ್ಯದ ಕ್ರಿಸ್ಟೈನಾ ಪಿಸ್ಕೋವಾ ( Krystyna Pyszkova ) ವಿಶ್ವ ಸುಂದರಿ-2024 ಕಿರೀಟವನ್ನು ಮುಡಿಗೇರಿಸಿಕೊಂಡಿದ್ದಾರೆ.

ಕ್ರಿಸ್ಟಿನಾ ಪಿಸ್ಕೋವಾ (ಜೆಕ್ ರಿಪಬ್ಲಿಕ್), ಯಾಸ್ಮಿನ್ ಅಜಿಟೌನ್ (ಲೆಬನಾನ್), ಆಚೆ ಅಬ್ರಹಾಮ್ಸ್ (ಟ್ರಿನಿಡಾಡ್ ಮತ್ತು ಟೊಬಾಗೊ) ಮತ್ತು ಲೆಸಾಗೊ ಚೊಂಬೊ (ಬೋಟ್ಸ್‌ವಾನಾ) ಅಗ್ರ-4ರಲ್ಲಿದ್ದಾರೆ. ಈ ಸ್ಪರ್ಧೆಗಳಲ್ಲಿ ಭಾರತ ಮತ್ತೊಮ್ಮೆ ನಿರಾಸೆಯನ್ನು ಎದುರಿಸಿದ್ದು, ದೇಶವನ್ನು ಪ್ರತಿನಿಧಿಸಿದ್ದ ಕನ್ನಡತಿ ಸಿನಿಶೆಟ್ಟಿ ಟಾಪ್-8ಕ್ಕೆ ಸೀಮಿತರಾದರು.

ಸಿನಿಶೆಟ್ಟಿ ಈ ವಿಶ್ವ ಸುಂದರಿ ಸ್ಪರ್ಧೆಯಲ್ಲಿ 8ನೇ ಸ್ಥಾನ ಪಡದುಕೊಂಡರು. ಕ್ರಿಸ್ಟಿನಾ ವಿನ್ನರ್ ಹಾಗೂ ಲೆಬನಾನ್ ನ ಅಜಯ್ಟೌನ್ ರನ್ನರ್ ಅಪ್ ಆಗಿ ಹೊರಹೊಮ್ಮಿದರು. 2022ರ ಫೆಮಿನಾ ಮಿಸ್ ಇಂಡಿಯಾ ವಿಜೇತೆ ಸಿನಿಶೆಟ್ಟಿ.

ಇನ್ನು ಇದೇ ಕಾರ್ಯಕ್ರಮದಲ್ಲಿ ರಿಲಯನ್ಸ್ ಫೌಂಡೇಶನ್ ಅಧ್ಯಕ್ಷೆ ಮತ್ತು ಸಂಸ್ಥಾಪಕಿ ನೀತಾ ಅಂಬಾನಿ ಅವರಿಗೆ ʼಮಿಸ್ ವರ್ಲ್ಡ್ ಹ್ಯುಮಾನಿಟೇರಿಯನ್ʼ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಯಿತು.